Мілы сэрцу куток — Кабылаўка. Як аграгарадок свята адзначыў (+фота)
«Жыццё раскідвае нас у розныя куткі зямлі. Але дзе б мы ні апынуліся, наш родны пасёлак заўсёды будзе для нас тым светлым агеньчыкам, які сваім яркім святлом кліча на малую радзіму», — такімі словамі віталі тых, хто сабраўся на свята аграгарадка Кабылаўка «Мілы сэрцу куток», вядучыя Галіна Блеянюк і Таццяна Харытановіч.
Сімвалічна, што ў аграгарадку традыцыйна адзначаюць дзень нараджэння якраз напярэдадні Дня Незалежнасці Рэспублікі Беларусь. Сапраўды, мы шчаслівыя, калі квітнее наша маленькая радзіма, але шчаслівыя ўдвая, калі мір і згода, стабільнасць і ўпэўненасць у заўтрашнім дні пануюць у роднай краіне. Пра гэта казала падчас віншавання старшыня Хараўскога сельвыканкама Алёна Пстыга.
Алёна Рыгораўна ўручыла падарункі шматдзетным сем‘ям Марыі і Вадзіма Чарапенька, якія выхоў
