Месяц: Январь 2025

Як зазначае Генадзь Хоміч, ён і не думаў станавіцца пачынальнікам сямейнай дынастыі пажарных, калі ў 1990 годзе прыйшоў на службу на Сухопальскі пажарны аварыйна-выратавальны пост. Ён стаў вадзіцелем спецаўтамабіля, за рулём якога і адпрацаваў амаль 30 гадоў. — Сын Аляксандр з маленства цягнуўся да маёй прафесіі, яго прыцягвала ўсё, пачынаючы ад формы і заканчваючы пажарнымі прыладамі, — успамінае Генадзь Мікалаевіч той паваротны момант. — Аднойчы, калі яму споўнілася 5 гадоў, я сфатаграфаваў яго каля спецаўтамабіля. А праз пэўны час Аляксандр, як і некалі яго бацька, таксама апрануў форму выратавальніка і пайшоў служыць… вадзіцелем спецаўтамабіля на Сухопальскі пажарны пост. Стаж сына зараз дасягнуў 3 гадоў, і, як ён мяркуе, будзе служыць яшчэ доўга. Больш таго, у гэтым пер

Кажуць, што подзвіг — гэта выпраўленне чужых памылак. Гэта пацвярджаюць і пружанскія пажарныя, якім даводзіцца выпраўляць небяспечныя для жыцця памылкі, выцягваючы людзей з агню або пашкоджаных машын. Летась у такіх аперацыях давялося паўдзельнічаць гэтым работнікам МНС. У прыватнасці, вадзіцелі Вячаслаў Бірук і Міхаіл Бура (здымак 1) неаднаразова прымалі ўдзел у ратаванні параненых з аўтамабіляў, якія трапілі ў складаныя аварыі. А вось вадзіцель Віктар Рэчыц і старшы інструктар Сяргей Пятрань (здымак 2) вынеслі з агню пацярпелых. (здымак 1) І няма розніцы, колькі адслужыў кожны выратавальнік — 3 або 30 гадоў. Навічок або прафесіянал, як адзін, заступаючы на баявое дзяжурства, гатовы ў любую мінуту аказаць дапамогу, змагацца з агнём або смела пераадольваць вогненную стыхію, каб р

У 2024 годзе выратавальнікі Пружанскага раёна здзейснілі больш за 40 выездаў на ліквідацыю пажараў і ўзгаранняў. Падводзячы вынікі мінулага года, начальнік райаддзела па надзвычайных сітуацыях Павел Талстой адзначыў, што ў рэгіёне амаль на 6% павялічылася колькасць пажараў (37 здарэнняў супраць 35 за 2023 год), ад наступстваў якіх загінула 3 чалавекі. У выніку праводзімай баявой работы было выратавана 5 пацярпелых. Таксама выратавальнікаў тройчы прыцягвалі на ліквідацыю наступстваў ДТЗ, калі яны пры дапамозе спецыяльных прылад даставалі з пашкоджаных аўтамабіляў параненых. Асноўнымі прычынамі пажараў сталі неасцярожнае карыстанне агнём, парушэнне правілаў устаноўкі, эксплуатацыі электрасетак і электраабсталявання, а таксама печак і іншых цеплагенератараў, гульні дзяцей з запалкамі.

У аўторак бягучага тыдня дэпутат Палаты прадстаўнікоў Нацыянальнага сходу Рэспублікі Беларусь Юрый Наркевіч і старшыня Пружанскага раённага Савета дэпутатаў Мікалай Кудравец з рабочым візітам наведалі г.п. Шарашэва. Спачатку ў Шарашэўскім сельвыканкаме быў праведзены сумесны выязны прыём грамадзян, падчас якога да Юрыя Іосіфавіча звярнулася выбаршчыца па пытанні кампенсацыі расходаў за выкананне работ па падключэнні электраацяплення ў доме. Яно ўзята на кантроль, дадзены адпаведныя даручэнні. Пасля прыёму адбылася сустрэча з актывам сельсавета. Якія высновы зроблены пасля размовы? Толькі ў нашых руках зрабіць Беларусь яшчэ прыгажэйшай, выбраць правільную дарогу для развіцця нашай краіны, быць заўсёды адзіным народам, гатовым у любы час стаць на абарону інтарэсаў Радзімы. Кане

У студзені гэтага года наш Пружанскі раён адзначае сваё 85-годдзе з дня ўтварэння. Менавіта да гэтай юбілейнай даты 11 студзеня ў Ліноўскай сельскай бібліятэцы прайшло краязнаўчае падарожжа «Вандроўка па пружанскім краі». Падчас віртуальнага падарожжа дзеці з цікавасцю слухалі гісторыю нашага раёна. Пружанская зямля мае ўнікальныя старонкі гісторыі. Яна з’яўлялася вотчынай многіх уплывовых магнатаў і манархаў. Пружаншчына была і застаецца натхненнем для пісьменнікаў, паэтаў, мастакоў, музыкантаў. Тут нарадзілася шмат годных грамадзян сваёй краіны, нашчадкаў слаўных герояў, якія пакінулі прыкметны след у гісторыі не толькі Пружанскага раёна, але і Беларусі, і за межамі нашай рэспублікі. Прысутныя пачулі аповед і пра тое, што не толькі Пружаны маюць гістарычную і культурную каштоў