На мінулым тыдні былы адказны сакратар «Раённых будняў» Ірына Сядова ўзнагароджана Граматай Беларускага саюза журналістаў.
Узнагароджанне адбылося ў Жабінкаўскім раёне, падчас Форуму медыйнай супольнасці Брэсцкай вобласці. У рамках мерапрыемства ўзнагароды атрымалі як лепшыя рэдакцыі газет, тэлебачання і радыё, так і лепшыя журналісты па выніках 2023 года.
Асобна адзначылі ветэранаў журналістыкі вобласці. Сярод іх — і наша Ірына Сядова. Ёй уручана Грамата за шматгадовую плённую працу ў СМІ Брэсцкай вобласці, адданасць журналісцкай прафесіі і ўдзел у дзейнасці ГА «Беларускі саюз журналістаў».
Узнагароду Ірыне Уладзіміраўне ўручыў дырэктар — галоўны рэдактар абласной газеты «Заря», старшыня Брэсцкай абласной арганізацыі Беларускі саюз журналістаў Ігар Гетман (на здымку). Узнагароды ад БСЖ атрымалі і іншыя ветэраны журналістыкі вобласці.
Адзначым, што ў рамках форуму была прадстаўлена фотавыстава «Першы ў #1рэгіёне», прымеркаваная да 30-годдзя інстытута прэзідэнцтва. На фотаздымках адлюстраваны моманты візітаў Аляксандра Лукашэнкі на Брэстчыну. Як стала вядома, экспазіцыя пасля Брэста і Жабінкі пабывае і ў іншых раёнах вобласці.
Мы ж віншуем Ірыну Сядову з узнагародай і высокай адзнакай яе прафесійнай і творчай дзейнасці!
Уладзіслаў Шпарла.
Фота Уладзіслава Джыгіла