Ружанские мотивы

Учора 70-годдзе з дня свайго ўтварэння адзначыў 210 авіяцыйны палігон Ваенна-Паветраных сіл і войскаў супрацьпаветранай абароны, які знаходзіцца побач з г.п.Ружаны. Пра дзень сённяшні вайсковай часці расказвае начальнік палігона падпалкоўнік В.А.Жамайдук. — Размешчаны на тэрыторыі адразу трох раёнаў: Пружанскага, Івацэвіцкага і Бярозаўскага, — удакладняе Валянцін Аляксандравіч, — палігон па-ранейшаму адказна вырашае сваё галоўнае прызначэнне. Тут удасканальваюць свой баявы ўзровень падраздзяленні Ваенна-Паветраных сіл і войскаў СПА, асвойваюцца новыя віды баявога прымянення авіяцыйных комплексаў, праводзяцца вучэнні. Практычна кожны тыдзень на нашым палігоне беларускія авіятары свае тэарэтычныя веды замацоўваюць на практыцы. — Вядома, няпроста сказаць пра змяненні, якія адбываліся н

Яшчэ пару дзясяткаў гадоў таму ўменне вышываць наўрад ці здзівіла б каго. А вось сёння, калі і захопленых рукадзеллем стала менш, ды і традыцыйныя іголку з ніткай выцясняюць сучасныя дэкупаж, скрапбукінг, пэчворк і інш., самабытных вышывальшчыц не так і многа. Хіба што сярод людзей старэйшага пакалення, якія па-ранейшаму бавяць вечары за карпатлівай справай. Нямала вышыванак, створаных уласнымі рукамі, ёсць і ў жыхаркі Байкоў Марыі Кудрыной. — Лічыцца, што азы многіх відаў рукадзелля перадавала старэйшае пакаленне, — кажа майстрыха. – А ў мяне мама не сябравала ні з пруткамі, ні з іголкай: напэўна, з-за таго, што за шматлікімі нялёгкімі сельскімі клопатамі не хапала часу. Таму я — самавучка. Калі ў Марыі Георгіеўны з’явілася жаданне стварыць вышыванку, ёй было гадоў 15. Канешне, перш

У мінулую нядзелю на Пружаншчыне вызначылі «Уладара сяла». Раённы этап сямейнага сельскагаспадарчага праекта прайшоў у Ружанах, дзе і высветлілася, хто з мужчын самы ўмелы гаспадар, а якая з жанчын найлепшая гаспадыня. Адметна, што з кожным годам  паспрачацца за ганаровае званне праяўляюць жаданне ўсё больш маладых сем’яў. Сёлета іх было дзевяць: гэта сямейныя пары Быкоўскіх, Клішэвічаў і Паўловічаў (усе — ААТ «Ружаны-Агра»), Луцыкаў (ААТ «Айчына»), Улогаў (ААТ «Жураўлінае»), Здзітаўцоў (ТАА «Сады Прыбужжа»), Канюшыкаў (ААТ «Шані-аграпрадукт»), Завіноўскіх (ААТ «Ліноўскае») і Паламарчукоў (ААТ «Пружанскі райаграсэрвіс»). Удзельнікаў конкурсу вітаў старшыня райвыканкама М.М.Крэйдзіч. Міхаіл Мікалаевіч звярнуў увагу на мерапрыемствы, якія праводзяцца ў краіне ў рамках ажыццяўлення мала

Другога ліпеня ў музеі «Ружанскі палацавы комплекс Сапегаў» адкрылася персанальная  выстава Міраўлада Палачыча «Гратэскі». Міраўлад Палачыч — асоба вядомая ў Брэсце: больш дзесяці гадоў ён працаваў пад імем Уладзімір Ткачэнка. У экспазіцыю ўвайшлі некалькі дзясяткаў работ мастака, у якіх ён развівае свой асабісты стыль сімвалічнага гратэску. Работы выкананы ў тэхніцы шмат-пластовага алейнага жывапісу на драўляных панэлях. Гэта пераважна гратэскныя партрэты, якія варта разглядаць у дэталях: персанажы быццам бы і знаёмыя, але разам з тым зусім іншыя. Выстава працягнецца да першага жніўня. Марына Вакульская.

З эканамічнымі праблемамі сутыкнуліся прадпрыемствы шэрагу галін нашай краіны. Не мінуў бокам крызіс і УП «Ружанская мэблевая фабрыка». Каб даведацца, як выглядае сітуацыя сёння, мы пабывалі на прадпрыемстве. Варта прызнаць, што ў мінулым годзе назіралася рэзкае зніжэнне аб’ёмаў вытворчасці, а разам з тым і ўсе вынікаючыя адсюль непрыемныя наступствы, — расказвае дырэктар мэблевай фабрыкі Валерый Сідоранка. — Але праблемныя пытанні стараліся вырашаць аператыўна і разумна, дзякуючы чаму, напэўна, і выходзім дастойна з сітуацыі. Пераламіць сітуацыю сапраўды ўдалося: толькі за два месяцы бягучага года аб’ём вытворчасці склаў 108% да ўзроўню ўсяго мінулага года. Праўда, праблемы з экспартам усё яшчэ існуюць: за мяжу пакуль адпраўляецца мэблі 30% да леташняга ўзроўню. Але ружанскія мэбель

У Ружанах у музейна-палацавым комплексе Сапегаў спрабуюць узнавіць унікальны тэатр. Планы аднаўлення ўсходняга тэатральна-манежнага корпуса, у якім ён размяшчаўся, агучаны падчас выязнога пасяджэння Брэсцкага міжведамаснага каардынацыйнага савета па ахове гісторыка-культурнай спадчыны. Па прыблізных падліках, для завяршэння будаўніцтва патрабуецца каля трыццаці мільярдаў рублёў. Плануецца, што фінансаванне будзе ажыццяўляцца як па дзяржаўнай праграме «Замкі Беларусі», у якую ўключаны комплекс у Ружанах, так і  з крэдытных крыніц. Асаблівая каштоўнасць Ружанскага тэатра ў тым, што ён будаваўся ў стылі барока. На сённяшні дзень у Еўропе такіх захавалася толькі два — гістарычны тэатр замка Чэшскі Крумлоў і тэатр шведскага замка Дроттнінгхольм. Алег Сідарэнка.

У музеі «Ружанскі палацавы комплекс Сапегаў» адкрылася новая экспазіцыя. Яна прысвечана Міхаілу Афанасьевічу Магучаму. Міхаіл Афанасьевіч Магучы — ураджэнец Віцебшчыны. У гады вайны быў партызанам, узнагароджаны двума ордэнамі Айчыннай вайны і баявымі медалямі. Пасляваеннае жыццё звязаў з сельскай гаспадаркай. Пэўны перыяд яго працоўнай дзейнасці прайшоў на  Ружаншчыне: ён узначальваў Ружанскую МТС (пазней кіраваў саўгасам “Брэсцкі” і баранавіцкім раённым аб’яднаннем “Сельгасхімія”). Талент  Міхаіла Афанасьевіча як кіраўніка і дасканалыя веды ў сваёй галіне дазвалялі працоўнаму калектыву станавіцца пераможцамі абласных, рэспубліканскіх і нават усесаюзных спаборніцтваў. Неаднаразова ён абіраўся дэпутатам мясцовых і  абласнога Саветаў дэпутатаў. Сярод шматлікіх працоўных узнагаро

Навучыцца можна амаль што ўсяму», — пераканана жыхарка Ружан Кацярына Каляда. І з гэтым складана не згадзіцца, калі яна сама з’яўляецца яскравым таму прыкладам. —Варта прызнаць, мяне заўсёды цікавілі дэкаратыўна-прыкладная творчасць, арганізацыя культурна-масавых мерапрыемстваў, — расказвае дзяўчына пра тое, як знайшла сабе хобі. — Я і ў школе актывісткай была. Атрымаўшы школьны атэстат, Каця нават паступала ў Белдзяржуніверсітэт культуры і мастацтваў, але абітурыентцы не хапіла ўсяго двух балаў, каб аказацца ў ліку студэнтаў установы. Што рабіць далей у такім выпадку, было загадзя абмеркавана з бацькамі: калі не культарганізатар, значыць — медык, як бацькі. І толькі падчас дэкрэтнага водпуску Кацярыне ўсё-такі ўдалося памяняць «кваліфікацыю»: спачатку стала займацца падзелкамі, а

Каля Ружан вядзецца будаўніцтва другой карты палігона цвёрдых бытавых адходаў. Прыродаахоўныя праблемы закранаюць не толькі буйныя населеныя пункты, але і вёсачкі. Існуючы палігон ЦБА, які знаходзіцца ў некалькіх кіламетрах ад пасёлка, аказаўся відавочна перапоўнены. Літаральна за апошні год пытанне адкрыцця новага палігона паўстала асабліва востра. І вось нарэшце пачалося будаўніцтва другой карты палігона ЦБА. Работы распачалі каля двух месяцаў таму, завяршыць іх плануецца да канца верасня. Па прыкладных падліках, палігон праслужыць каля 7-8 гадоў, пасля чаго ізноў паўстане неабходнасць адкрыцця новага. Між іншым, як паведаміў намеснік дырэктара КУВП «Камунальнік» па ідэалагічнай рабоце В.І.Казлоў, будоўля падобных аб’ектаў — справа не з танных: згодна з праектна-каштарыснай даку