Варта адзначыць, што практычна ўсе сілавыя падраздзяленні раёна на рэгулярнай аснове абнаўляюць свае машынныя паркі, таксама атрымліваюць новае аснашчэнне. Дзякуючы чаму істотна павышаецца аператыўнасць рэагавання, да таго ж становіцца лягчэй і сама служба.
Кожнае новае папаўненне заўсёды сустракаецца асабовым саставам з радасцю. Як расказваюць работнікі МНС Вячаслаў Бірук і Міхаіл Бура , такі ўседарожнік вельмі быў патрэбны, асабліва падчас пошуку тых, хто заблукаў у лесе. Машына з магутным рухавіком, высокім прасветам і цягавітым прывадам пройдзе нават па бездаражы. Што адзначыў і намеснік старшыні аблвыканкама Вадзім Альшэўскі, «і цяперашнія ўмовы надвор’я, цыклон, які прайшоўся ў тым ліку па Брэсцкай вобласці, паказалі, што нашы выратавальнікі працуюць з усімі падраздзяленнямі і арганізацыямі ў адной звязцы і рашаюць задачы па забеспячэнні бяспекі насельніцтва».
Новенькі легкавік паступіў і пружанскім праваахоўнікам. Машына будзе дапамагаць вырашаць унутрыарганізацыйныя пытанні, хаця і гэта станоўча адаб’ецца на агульных выніках дзейнасці службы аховы. Менавіта так ставіцца да атрыманага абнаўлення начальнік райаддзела Дзмітрый Сянкевіч і лічыць дадатковы аўтамабіль яшчэ адной узнагародай за мінулагоднія дасягненні. Дарэчы, летась калектыў падраздзялення быў прызнаны лепшым у конкурсе за арганізацыю прафесійнай падрыхтоўкі, а яшчэ каманда пружанскай аховы стала лепшай у абласной спартакіядзе і прывезла дадому кубак за 1 месца.
Гэта толькі падтрымлівае спадзяванні простых жыхароў раёна, што той набыты парадак, а таксама аператыўнае забеспячэнне бяспекі будуць захаваны і надалей на Пружаншчыне.
Алег Сідарэнка. Фота Кацярыны Масік