Прэзідэнт Беларусі Аляксандр Лукашэнка павіншаваў работнікаў фармацэўтычнай і мікрабіялагічнай прамысловасці з прафесійным святам. Аб гэтым БЕЛТА паведамілі ў прэс-службе беларускага лідара.
«Сёння ў нашай краіне актыўна вядзецца распрацоўка новых лекавых прэпаратаў на аснове апошніх дасягненняў біятэхналогіі, геннай інжынерыі, імуналогіі і малекулярнай генетыкі, — адзначыў кіраўнік дзяржавы. — Пашыраецца спектр вырабляемых медыкаментаў, якія даступны для грамадзян Беларусі і запатрабаваны за мяжой».
Аляксандр Лукашэнка перакананы, што высокі навуковы патэнцыял, адданасць выбранай справе і адказны падыход да работы і далей будуць садзейнічаць паспяховай рэалізацыі задач, што стаяць перад галіной, галоўная з якіх — захаванне жыцця і здароўя людзей.
Прэзідэнт пажадаў усім прафесійных поспехаў, шчасця і дабрабыту.