Воскресенье, 20 мая 2018

Пружанскае таварыства беларускай мовы правяло ранішнік «Свята беларускай ялінкі»

2 636

У сярэдзіне зімы ўвесь хрысціянскі свет святкуе Ражство Хрыстова. Але гістарычна так склалася, што хрысціянства падзяляецца на тры вялікія канфесіі: каталіцкую, праваслаўную і пратэстанцкую. Існуюць яны і нашым раёне. У кожнай з іх свае традыцыі, свая манера ўслаўляць Хрыста. Але ёсць ва ўсіх адно агульнае — гэта народная беларуская традыцыя Калядаў і навагодніх святаў.DSC06614

Вось гэтае, народнае, наша ад дзядоў і прадзедаў аб‘ядноўвае, надае пачуццё адзінства. Таму традыцыі і мова — гэта тое, што мы павінны захоўваць і перадаваць нашым дзецям. Гэта найважнейшы фактар патрыятызму, еднасці народа.DSC06528

Наша таварыства заўсёды падтрымлівае людзей нераўнадушных да традыцый і мовы. Таму мы ўжо ў пяты раз пасля калядных школьных канікулаў праводзім «Свята беларускай ялінкі» для дзяцей.DSC06541

Свята адбылося ў мінулую суботу. Былі запрошаны дзеці з нядзельных школ пры Пружанскім касцёле, Новазасімавіцкай царкве і царквы Евангельскіх хрысціян-баптыстаў. Прыйшлі не толькі дзеці, але і іх мамы, таты, бабулі. У невялікай зале Пружанскага палацыка сабралася каля ста чалавек, якіх віталі Дзед Мароз і Снягурка. Як прыгожа, абаяльна, цёпла гучала наша мова з вуснаў дзетак!DSC06579

У падарунак Дзеду Марозу яны падрыхтавалі свае праграмы: гэта — калядныя песні, сцэнкі, вершы, гучала цудоўная музыка скрыпкі. Дарэчы, у праграме прынялі ўдзел і госці з-за акіяна, маладыя людзі, бацькі якіх некалі выехалі з Беларусі і аселі ў Амерыцы. Вельмі кранальнай была праграма праваслаўных дзетак: малыя прыйшлі на свята «Ялінкі» ў нацыянальных вышываных кашульках і спаднічках і цудоўна заспявалі, а пасля віталі вершамі Ражство Хрыстова, віншавалі ўсіх прысутных.DSC06573

Хочацца шчыра падзякаваць дарослым, якія рыхтавалі дзетак, акампаніятару Людміле Пятроўне Ляшчынскай. Ролю Дзеда Мароза цудоўна сыграў настаўнік беларускай мовы СШ №1 Канстанцін Іванавіч Жытко.DSC06662

Дзед Мароз  прыйшоў не з пустымі рукамі: дзякуючы дапамозе пружанскіх арганізацый і ўстаноў, прыватных асоб, закупілі 80 падарункаў. Спонсарскую дапамогу аказалі прадпрымальнікі Н.С.Радзівончык, Л.С.Ахрамовіч, С.М.Глушчанка, У.В. Шыбайла, Т. Галёнка, рэдакцыя раённай газеты, Брэсцкая абласная сельскагаспадарчая доследная станцыя. І таму хочацца шчыра падзякаваць усім нераўнадушным людзям за тое, што яны дапамаглі зладзіць цудоўнае свята для дзяцей нашай Пружаншчыны.

Тарэса Жэгалава, старшыня раённай арганізацыі ТБМ імя Ф.Скарыны.

Фота Сяргея ТАЛАШКЕВІЧА.

4 комментариев

  • Прыкметна!
    Вось цікава, а колькі каштуе арэнда ў музеі-палацыку вялікай залі на гадзіну?
    Дзе гэта можна даведацца?
    Можа сабе нейкае свята замуціць!

    Рейтинг комментария:Vote +10Vote -10

  • Ирина

    Можаце звярнуцца сюды: Пружанскi музей

    Рейтинг комментария:Vote +10Vote -10

  • Отличные фото-молодец! Да и мероприятие видимо тоже было интересным!

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *