Вторник, 27 октября 2020

Весна, красота, женщины… С праздником!

724

Вясна, прыгажосць, жанчына… Нездарма гэтыя словы стаяць побач. Бо жанчына, каханая мужам і шануемая дзецьмі, якая яшчэ і ў справе сваёй прафесіянал, — сапраўды, прыгожая, бы вясна.


Так можна сказаць пра Жанну Яўгенаўну Букса, галоўнага бухгалтара аддзела ўнутраных спраў райвыканкама. Нядаўна яна атрымала заслужаную ўзнагароду як лепшы галоўны бухгалтар вобласці ў сваёй галіне. Аднак як мама лепшай узнагародай у жыцці лічыць сваіх дзяцей, якія сталі годнымі людзьмі, а найбольшай радасцю як бабуля – унукаў. Гэта для іх заўсёды выпякаюцца ў доме духмяныя пірагі, а навокал радуюць сваім хараством цудоўныя кветкі — вынік працы ўмелай і нястомнай гаспадыні. У чалавека працавітага, сумленнага і шчырага, такога, як Жанна Яўгенаўна, проста не можа быць інакш. Дык няхай жа ў яе, гераіні сённяшняга нумара нашай газеты, і ва ўсіх жанчын будзе хораша на душы не толькі напярэдадні жаночага свята, але заўсёды!