Понедельник, 23 сентября 2019

Избежать трагедии при пожаре на Свободы помогла кошка, которая разбудила хозяйку

3 376

Надзвычайная гісторыя з добрым фіналам адбылася 20 верасня ў адным з шматкватэрных дамоў г.Пружаны. У чатыры гадзіны ночы дыспетчар цэнтра аператыўнага кіравання райаддзела па надзвычайных сітуацый атрымаў трывожны выклік: гарэў жылы чатырохкватэрны дом па вуліцы Свабоды. Калі пажарныя прыехалі на месца здарэння, то ўбачылі, што агонь поўнасцю ахапіў веранду першай кватэры, перакінуўся на такую ж драўляную прыбудову другой кватэры і на агульны дах будынка. З агню выратавальнікі вынеслі траіх жыльцоў — двух састарэлых бацькоў, аднаму з якіх было цяжка рухацца без дадатковай дапамогі, і іх нецвярозага сына, 1969 г.н. Выйсце было заблакіравана агнём і пацярпелых выцягвалі з акна. Таксама пажарныя дапамаглі пакінуць памяшканне жыльцам з другой кватэры — маці з пяцігадовым сынам і гадавалай дачкой.
Падчас устанаўлення прычын вогненнага здарэння высветліліся цікавыя факты. Як расказвае гаспадыня кватэры, адкуль пайшоў агонь, а потым прызнаўся сам яе сын, у якога потым у крыві было выяўлена 1,8 праміле алкаголю, хутчэй за ўсё першай загарэлася канапа, што стаяла на іх верандзе. Жанчына перад сном выходзіла на вуліцу і заўважыла, што з яе ідзе дым. Дагэтуль там курыў сын і хутчэй за ўсё непатушаны акурак запаліў мэблю. Гаспадыня паліла канапу вадой і вырашыла, што справілася з узгараннем.
Каля чатырох гадзін ночы ў суседзяў узнялася кошка, якая пачала  галасіць і пабудзіла гаспадароў. Хутка было ўстаноўлена, што яе напалохаў дым, які пранік у суседнюю кватэру. Як сцвярджаюць самі пажарныя, што «подзвіг» жывёліны дапамог выратаваць жыцці шасці чалавек.
У выніку пажару агнём пашкоджаны абедзве веранды і агульны дах будынка.
Алег Сідарэнка.

Добавить комментарий

Ваш e-mail не будет опубликован. Обязательные поля помечены *