День: 12.05.2022

Прэзідэнт Беларусі Аляксандр Лукашэнка ўпэўнены, што Беларусь і Расія, развіваючы супрацоўніцтва, у тым ліку кааперацыйныя сувязі, здольны пераадолець санкцыйны націск. Аб гэтым ён заявіў на сустрэчы з губернатарам Хабараўскага края Міхаілам Дзегцяровым, перадае карэспандэнт БЕЛТА. Кіраўнік дзяржавы заклікаў не перажываць наконт розных санкцый. "Мы самі можам справіцца з любымі праблемамі для таго, каб забяспечыць нармальнае жыццё людзей на прасторах нашай Айчыны. Проста трэба крыху часу для таго, каб і пашырыць вытворчасць, і развіць кааперацыю", - падкрэсліў Прэзідэнт. Аляксандр Лукашэнка прапанаваў разам у Хабараўскім краі ствараць тую базу, на якую можна будзе абаперціся і развіваць гэты рэгіён.

Прэзідэнт Беларусі Аляксандр Лукашэнка падкрэслівае, што цяпер добры момант для развіцця кааперацыйных сувязей як з Хабараўскім краем, так і іншымі рэгіёнамі Расіі. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Хабараўскага края Міхаілам Дзегцяровым, перадае карэспандэнт БЕЛТА. "Трэба пераходзіць да кааперацыі. Не было б шчасця, ды няшчасце дапамагло. Цяпер момант. Каб ствараць кааперацыйныя прадпрыемствы", - сказаў кіраўнік дзяржавы. Ён адзначыў, што адпаведнае пытанне абмяркоўвалася і на яго сустрэчах з Прэзідэнтам Расіі Уладзімірам Пуціным.

Вопыт супрацоўніцтва Беларусі з Расіяй павінен быць запатрабаваны і прыцягальны для іншых краін. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Хабараўскага края Міхаілам Дзегцяровым, перадае карэспандэнт БЕЛТА. "Нягледзячы на вялікую адлегласць паміж Беларуссю і Хабараўскім краем, я хачу, каб ідэалагічна правільна мяне разумелі. Я лічу, што ад Брэста да Уладзівастока - гэта наша агульная Айчына. І, нягледзячы на тое, што на гэтай прасторы агульнай з'явіліся суверэнныя, незалежныя дзяржавы, мы як людзі разумныя павінны адысці ад розных умоўнасцей і арганізаваць нармальнае ўзаемадзеянне, каб было не горш, чым у Савецкім Саюзе", - заявіў беларускі лідар. Аляксандр Лукашэнка адзначыў, што пры гэтым трэба дзейнічаць так, каб не напружваць нікога ні