За мяжой атрымаў на размен купюру, у годнасці якой сумняваюся. Што рабіць у такім выпадку?
Адказвае ўчастковы інспектар міліцыі
Ксенія Янучок:
— Падробленыя грошы часцей за ўсё грамадзяне Беларусі прывозяць з-за мяжы. Варта адзначыць, што па кожным факце выяўлення фальшыўкі, незалежна свядома або несвядома яе спрабуюць збыць, узбуджаецца крымінальная справа.
Каб не стаць ахвярай фальшываманетчыкаў і не апынуцца ў непрыемнай сітуацыі, неабходна выконваць наступныя правілы:
— не разменьвайце купюры незнаёмым асобам;
— не купляйце валюту ў «мянял», нават калі яны прапануюць абмен па выгадным курсе;
— набываючы валюту за мяжой, вы рызыкуеце купіць падробку;
— здымаючы грошы з банкамата, захоўвайце квіткі.
Калі выявілі купюру сумніўнай якасці, не спрабуйце яе збыць, гэта ўжо крымінальнае злачынства. Неадкладна звярніцеся ў міліцыю.