Распараджэннем старшыні райвыканкама Міхаіла Грышкевіча створаны рабочыя групы для ажыццяўлення кантролю за фарміраваннем рознічных цэн у аб’ектах гандлю Пружаншчыны. У кампетэнцыі гэтых груп — прыняцце аператыўных мер рэагавання, выпрацоўка канкрэтных дзеянняў па даручэнні Кіраўніка дзяржавы ад 6 кастрычніка.
Групы па маніторынгу цэн у нашым раёне ўзначальваюць Таццяна Гаманчук — старшыня раённага аб’яднання прафсаюзаў Федэрацыі прафсаюзаў Беларусі, Ірына Ліхтаровіч — начальнік аддзела эканомікі райвыканкама, Інеса Шука — галоўны спецыяліст аддзела эканомікі райвыканкама, Мікалай Кудравец — старшыня раённага Савета дэпутатаў.
Да слова, аналагічныя групы створаны пры кожным сельвыканкаме.
Маніторынгам ахоплены ўсе гандлёвыя прадпрыемствы, якія функцыянуюць на тэрыторыі Пружанскага раёна.
З вынікамі маніторынгу мы будзем знаёміць чытачоў газеты і наведвальнікаў сайта, сацыяльных сетак і каналаў газеты “Раённыя будні” ў Інтэрнэце.
Віктар Ільюшчанка