Адказвае ўчастковы інспектар Андрэй Кот:
— У рэальнасці вас падманваюць. Вэйпы, згодна з Дэкрэтам № 2 Прэзідэнта Рэспублікі Беларусь, прыраўнаваны да тытунёвых вырабаў, а значыць, карыстанне імі ў грамадскіх месцах забаронена.
Да апошніх адносяцца дапаможныя памяшканні (пад’езды) і ліфты, дзіцячыя пляцоўкі, ўнутраныя працоўныя пакоі, тэрыторыі спартыўна-аздараўленчых лагераў і ўстаноў адукацыі, падземныя пераходы, пасадачныя пляцоўкі і павільёны аўтобусных прыпынкаў.
З улікам гэтага дадам, што карыстанне электроннымі сістэмамі курэння ў забароненых месцах пагражае штрафам да 4 базавых велічынь. У выпадку, калі вейпам карыстаўся падлетак да 16 гадоў, да адміністрацыйнай адказнасці будуць прыцягвацца яго бацькі.
