Прэзідэнт Беларусі Аляксандр Лукашэнка даў інтэрв’ю тэлеканалу «Расія 1». Фрагмент паказалі 13 чэрвеня ў вячэрнім выпуску праграмы «Весткі», паведамляе БЕЛТА.
У якасці інтэрв’юера выступіла тэлевядучая Вольга Скабеева. Яна сустрэлася з кіраўніком дзяржавы пасля наведвання ім аднаго з прадпрыемстваў ваенна-прамысловага комплексу ў Мінскай вобласці.
У першую чаргу Вольга Скабеева падзялілася сваімі ўражаннямі ад наведвання беларускай граніцы, дзе размешчаны зенітна-ракетныя комплексы C-400.
«Мы ўчора былі на граніцы. Нам усё паказалі. Мы прыйшлі да высновы, што граніца на замку і вораг дакладна не пройдзе», — адзначыла тэлевядучая.
«Абсалютна», — падкрэсліў Аляксандр Лукашэнка.
Яшчэ адной тэмай інтэрв’ю стала размяшчэнне расійскай ядзернай зброі ў Беларусі. Кіраўнік дзяржавы расказаў, што гэта не Расія імкнецца размясціць сваю ядзерную зброю ў Беларусі, а Беларусь спачатку прасіла аб гэтым, а потым стала патрабаваць вярнуць ядзерныя ракеты, якія некалі стаялі тут на ўзбраенні.
«Я не проста яго прасіў, я патрабаваў ужо: «Вярні мне ядзерную зброю». Так, мы дамовіліся і выконваем гэта, — адзначыў Аляксандр Лукашэнка. — Мэтай мы былі заўсёды. Нас парваць на кавалкі з 2020 года хацелі».