День: 20.12.2023

Сяргей Іванавіч, жыхар г. Пружаны: — З раённай газетай знаёмы з ранняга дзяцінства. Родам з вёскі Бакуны-2, і бацькі заўсёды выпісвалі «раёнку», уся наша сям’я любіла і любіць яе чытаць. У першую чаргу, калі адкрываю свежы нумар, праглядаю старонку з аб’явамі і рэкламай. Мы з жонкай — індывідуальныя прадпрымальнікі, у нас сямейны бізнес, таму не раз змяшчалі рэкламу ў «Раённых буднях». Можна сказаць, што пра нас ведаюць у тым ліку дзякуючы мясцовай газеце. Размяшчаць аб’явы і рэкламу ў «раёнцы» раю ўсім: яна дапамагае прасоўванню вашых тавараў ці паслуг. Так, сёння многае ёсць у інтэрнэце, але і папяровую газету адкідаць убок не варта. Яшчэ мне падабаюцца матэрыялы пра сад і агарод, люблю пачытаць «АўтаБудні». Пытаннямі ж падпіскі звычайна займаецца жонка, будзем выпісваць «Р

Магчымасць дакрануцца да сапраўднага сімвала Нараджэння Хрыстова сёлета зноў атрымалі вернікі Пружаншчыны. На мінулым тыдні ў касцёлы раёна быў дастаўлены Віфлеемскі агонь. Традыцыі перадачы гэтага незгасальнага сімвала аднаго з самых светлых хрысціянскіх свят сёлета спаўняецца 37 гадоў. Упершыню агонь узялі з Базілікі, якая лічыцца месцам нараджэння Ісуса Хрыста, у 1986 годзе. Акцыя перадачы агню тады была арганізавана з мэтай дапамогі дзецям-інвалідам. Віфлеемскі агонь у Беларусь прывозяць ужо больш за 25 гадоў запар. Першым храмам, куды даставілі святло на мінулым тыдні, стаў кафедральны касцёл святога Францішка Ксаверыя ў Гродне. Дэвіз акцыі распаўсюджвання агню ў 2023-м — «Будзем ствараць мір», а гэтую пачэсную і вельмі адказную місію, зноў жа па добрай традыцыі, бяруць на