Дабрачынная акцыя
Новы год — гэта час цудаў, агеньчыкаў, прысмакаў, карагодаў і, канечне ж, падарункаў. Кожнаму дзіцяці прыемна зазірнуць пад ёлачку і ўбачыць там менавіта тое, аб чым пісалася ў лісце да Дзеда Мароза.
На жаль, не ўсе дзеці могуць адчуць радасць ад жаданага падарунка. Дзеці, якія зараз жывуць у сацыяльным прытулку, як і ўсе іншыя малыя, таксама вераць у цуды і чакаюць іх. Стаць тым добрым чараўніком, што выконвае жаданні, можа кожны, дзякуючы ў тым ліку і дабрачыннай акцыі, што зараз праходзіць у магазіне «Дзіцячы свет» у Пружанах.
Калі заходзіш у краму «Дзіцячы свет», адразу можна ўбачыць прыгожую кампазіцыю з дзвюх ёлачак, паміж якімі ёсць месца для падарункаў. Гэтыя падарункі прызначаны дзецям, якія зараз знаходзяцца без бацькоў. Дабрачынную акцыю штагод праводзяць Пружанскае р
