Кіпіць работа на жывёлагадоўчым комплексе ў сельгаспрадпрыемстве «Новы Двор» Свіслацкага раёна на Гродзеншчыне. Пры выбары падрадчыкаў кіраўніцтва філіяла буйнога прадпрыемства «Гроднаазот», аддала перавагу будаўнікам ПМК-21. І не прайграла, бо гэта прадпрыемства не толькі робіць усё ў вызначаныя тэрміны, але адрозніваецца дакладнасцю выкананых работ. Да заканчэння гэтай будоўлі амаль год, а гаспадарка, аналізуючы ўжо зробленае, мае для пружанскіх будаўнікоў новыя прапановы.
На здымку: Начальнік участка прараб А.Л.Кабрынец з брыгадзірам У.І.Мархелем і мулярам В.Р.Сотнікам.