Вторник, 23 июля 2024

Злодзея, які ўчыніў крадзеж на адным з прадпрыемстваў Пружаншчыны, чакае да трох гадоў пазбаўлення волі

454

Як паведаміў начальнік РАСК Максім Басак, за мінулы тыдзень супрацоўнікамі аддзела было ўзбуджана восем крымінальных спраў.

Нявызначаная асоба учыніла крадзеж на адным з прадпрыемстваў раёна. Злодзей вырваў металічныя аконныя рашоткі і трапіў у складскія памяшканні. Было ўкрадзена каля 300 літраў трансмісійнага і маторнага масла, 116 пар пальчатак, 4 пары абутку, 2 камплекты спецадзення,

28 пільных дыскаў і іншая маёмасць. Прычынены матэрыяльны ўрон на суму звыш 10 базавых велічынь.

Згодна з ч. 1 арт. 205 Крымінальнага кодэкса Рэспублікі Беларусь, аматара чужога дабра чакае да трох гадоў пазбаўлення волі.