Вторник, 18 февраля 2025

Жніво ў раёне набліжаецца да фінішу. У філіяле «Аграэнерга Зеляневічы» завяршылі ўборачную кампанію, а ў ААТ «Пружанскае» ўбрана больш за 60% плошчаў

1 008

Каляндар упарта набліжае нас да завяршэння самага цёплага летняга сезона. Гэта служыць своеасаблівым маяком і для аграрыяў: жніво трэба закончыць хутка і ў тэрмін.

Апошнія моманты жніва ў філіяле «Аграэнерга Зеляневічы» РУП «Брэстэнерга».

Паказчыкі сельгаставарыстваў раёна гавораць пра тое, што гэтую задачу яны стараюцца выканаць. Больш за тое, па стане на раніцу 10 жніўня філіял «Аграэнерга Зеляневічы» РУП «Брэстэнерга» завяршыў жніво-2021! Найбольшую плошчу ў таварыстве сёлета займала жыта – 460 га. Найменшую – усяго 40 – авёс. І гэтыя культуры, як і яравы ячмень, пшаніца, трыцікале, зернебабовыя, убраны.

Камбайны на палетку ААТ «Пружанскае».

А вось у ААТ «Пружанскае» жніво не так даўно перасягнула экватар. Тут ужо справіліся з яравым ячменем, якога намалацілі 697 тон. Зараз шчыруюць на ўборцы пшаніцы, жыта, трыцікале і зернебабовых.

Сонечных вам дзён, добрых намалотаў і лёгкай працы, шаноўныя работнікі поля!

Уладзіслаў Шпарла. Фота Кацярыны Масік і Людмілы Ярашэвіч.