Як паведаміў намеснік начальніка РАСК Аляксандр Марчук, за мінулы тыдзень супрацоўнікамі аддзела было ўзбуджана пяць крымінальных спраў.
Неўстаноўленая асоба з выкарыстаннем глабальнай камп’ютарнай сеткі інтэрнэт і дадатку-месенджара WhatsApp 15 ліпеня ажыццявіла перапіску з прадаўцом дзіцячага веласіпеда.
Жанчына размясціла сваю аб’яву на гандлёвай інтэрнэт-пляцоўцы «Куфар». Злачынца пад выдуманай прычынай аб пакупцы завалодаў рэквізітамі банкаўскай плацежнай карткі прадаўца, у выніку чаго атрымаў доступ да паслугі кіравання рахункамі і ажыццяўлення банкаўскіх аперацый. Пасля чаго невядомы ўкраў у пацярпелай больш за 350 рублёў.
Злачынцы пагражае да трох гадоў пазбаўлення волі.