Четверг, 25 апреля 2024

Збіраецца матэрыял для кнігі аб спаленых вёсках вобласці. У яе ўвойдуць звесткі пра Пружанскі раён

281

На базе Брэсцкага аблвыканкама адбыўся круглы стол на тэму генацыду беларускага народа ў гады вайны. Мэтай была распрацоўка і зацвярджэнне плана работы па падрыхтоўцы зборніка з інфармацыяй пра лёс знішчаных населеных пунктаў.

На сустрэчы абмеркаваны пытанні актуалізацыі звестак для напаўнення карты спаленых вёсак, у тым ліку і на Пружаншчыне.

Пракурорскі работнік адзначыў, што на тэрыторыі вобласці падчас расследавання крымінальнай справы аб генацыдзе ўстаноўлена 19 раней невядомых населеных пунктаў, поўнасцю або часткова знішчаных у гады вайны. Многія вёскі паўтарылі лёс Хатыні. Так, у студзені 1944-га была поўнасцю знішчана в. Байкі ў Пружанскім раёне, 987 жыхароў якой групамі па 20-30 чалавек зганялі ў асобныя дамы і спальвалі. На дзяцей ад 5 да 14 гадоў акупанты нацкавалі спецыяльна навучаных сабак.

У завяршэнне круглага стала распрацаваны план збору інфармацыі для кнігі.

Уладзіслаў Шпарла