Як паведаміў намеснік начальніка РАСК Аляксандр Марчук, за мінулы тыдзень супрацоўнікамі аддзела было ўзбуджана пяць крымінальных спраў.
Жыхарка Пружанскага раёна, неаднаразова судзімая, якая мае не пагашаную і не знятую ва ўстаноўленым законам парадку судзімасць, у чарговы раз здзейсніла наўмыснае злачынства.
Справа ў тым, што яна яшчэ ў мінулым годзе, знаходзячыся ў гасцях у адным з населеных пунктаў нашага раёна, пасля сумеснага распіцця спіртных напояў з гаспадаром дома вырашыла паправіць сваё фінансавае становішча. Праўда, крымінальным шляхам. Калі мужчына заснуў, зладзейка ўкрала 120 рублёў, якія ляжалі на камодзе ў адным з пакояў, прычыніўшы матэрыяльны ўрон на ўказаную суму.
Зламысніцы пагражае да чатырох гадоў пазбаўлення волі.