Нездарма многія словы, якімі апісваецца стаўленне да прафесійных абавязкаў, маюць жаночы род. У кожнай арганізацыі нямала накірункаў даручаецца менавіта жанчынам.
Вось і атрымліваецца, што такія словы, як дысцыпліна, адказнасць, добрасумленнасць, ініцыятыва, дакладнасць і іншыя з гэтай катэгорыі азначэнняў заўсёды тычацца тых, хто поруч з мужчынамі стварае эканоміку нашага рэгіёна.
Прыкладам гэтаму можна лічыць працу вопытных работніц філіяла «Пружанскія электрасеткі» — начальніка аддзела бухгалтарскага, фінансавага, падатковага ўліку і справаздачнасці Даны Бартноўскай і вядучага спецыяліста па кадрах Ірыны Вярчонавай (на здымку). Відавочна, што іх сумленнае стаўленне да сваіх службовых абавязкаў робіць унёсак у дабрабыт энергетычнай арганізацыі.
Алег Сідарэнка. Фота Кацярыны Масік