Дырэктар ДЮСШ №2 Аляксандр Віктаравіч Шаманаў:
— Мясцовыя Саветы дэпутатаў займаюцца вырашэннем шэрага важных пытанняў: добраўпарадкаваннем, будаўніцтвам жылля і дарог, зберажэннем прыродных рэсурсаў, маладзёжнай палітыкай — усё гэта і многае іншае не застаецца па-за іх увагай. Адметна, што дэпутаты рэалізуюць не толькі свае ідэі, але і адлюстроўваюць пажаданні выбаршчыкаў, якія ў любы момант могуць звярнуцца са сваімі прапановамі. Гэтыя людзі працуюць добраахвотна, што сведчыць аб іх неабыякавасці. Таму лічу нашым грамадзянскім абавязкам падтрымаць (у першую чаргу, падчас выбараў) гэтых актыўных і ініцыятыўных людзей. Знаёмцеся з біяграфіямі кандыдатаў па вашай акрузе і рабіце свой важны выбар. Ад яго і будзе залежаць, ці расквітнее наш горад, ці стане ён яшчэ больш утульным і прывабным.
