Дэпартаментам ветэрынарнага і харчовага нагляду Мінсельгасхарчу Рэспублікі Беларусь з 19 мая з мэтай прафілактыкі шаленства праводзіцца аральная імунізацыя дзікіх жывёл. Для гэтага прымяняюцца прынады з вакцынай, раскідванне якіх ажыццяўляецца з дапамогай авіяцыі.
Прынада ўяўляе сабой брыкет шэрага або цёмна-карычневага колеру масай да 30 грамаў, выраблены з ядомых жывёламі кампанентаў. У яго заключана капсула з вакцынай.
Калі вы ўбачылі такую прынаду, не кранайце яе рукамі, не скормлівайце хатнім жывёлам. Не дапускаецца кантакт дзяцей з прынадамі! Калі вакцына па нейкай прычыне ўсё ж трапіла на адкрытыя ўчасткі цела, іх неабходна прамыць вадой, апрацаваць 2%-ным растворам пітной соды і звярнуцца ва ўстанову аховы здароўя.