18 сакавіка каля 21.00 гадзін дзяжурны РАУС перадаў групе затрымання, якая несла дзяжурства ў Ружанах, інфармацыю, што паступіла ад жыхара пасёлка. Па словах мужчыны, у суседскую хату ўлезлі злодзеі: у вокнах дома, гаспадары якога памерлі, а спадчыннікі жывуць у іншым горадзе, ён заўважыў святло ад ліхтарыка. Праваахоўнікі, якія прыбылі на месца, не знайшлі ні слядоў узлому, ні іншых падазроных дэталяў. А збілі з панталыку пільнага суседа, як высветлілася, водблескі святлоназапашваючых ліхтарыкаў, якія былі пакінуты каля акна.
