11 красавіка мы адзначым Міжнародны дзень вызвалення вязняў фашысцкіх канцлагераў. Нагадаем, што ён быў устаноўлены па ініцыятыве ААН у памяць аб інтэрнацыянальным паўстанні вязняў Бухенвальда ў 1945 годзе. 
Праз фашысцкія лагеры смерці прайшлі больш 18 мільёнаў чалавек, 11 мільёнаў былі знішчаны.
З Пружаншчыны было вывезена ў Германію больш 3000 чалавек. Цяпер у раёне пражываюць 183 былыя вязні, у тым ліку ў Пружанах — 63.
Апошнія сведкі той жорсткай вайны — малалетнія вязні. Вайна адняла ў нас дзяцінства і юнацтва, падарвала здароўе. Месяцы і годы нашага маленства прайшлі ў няволі, у бараках і хлявах. Аб чым мы марым зараз? Каб ніколі дзеці больш не зведалі падобнага лёсу.
Звяртаемся да кіраўнікоў арганізацый, прадпрыемстваў, прафсаюзных камітэтаў, сельвыканкамаў: не забывайце тых, хто, прайшоўшы праз пекла фашысцкай няволі, працаваў у вас, жыве зараз побач.
Лізавета ШЫЛАВА, старшыня раённай арганізацыі ГА «Беларуская асацыяцыя былых непаўналетніх вязняў фашызму».