Вольга Віктараўна ўпершыню стала дэпутатам раённага Савета дэпутатаў па Мокраўскай выбарчай акрузе №15. Даволі працяглы час працуе старшынёй Мокраўскага сельскага Савета дэпутатаў. Дарэчы, гэты сельскі Савет з’яўляецца адным з лепшых у Пружанскім раёне.
— Сваю работу буду будаваць па ўжо намечаным плане, па якім працавала ўсе шэсць гадоў, калі была старшынёй Мокраўскага сельскага Савета дэпутатаў. Адзначу адно: што быць у складзе райсавета — значыць працаваць адзінай, зладжанай камандай. Лічу, што ў яе павінны таксама ўваходзіць кіраўнікі прадпрыемстваў і арганізацый, якія размешчаны на тэрыторыі сельсавета. Для чаго гэта? Мы павінны працаваць на вынік, каб людзям было добра жыць на гэтай зямлі.
Падрыхтаваў Віктар Ільюшчанка
Фота аўтара