Напярэдадні Дня настаўніка варта папрасіць падзяліцца рэцэптам некага з педагогаў, у Дзень пажылых людзей лагічна будзе звярнуцца да сталага чалавека. Мы вырашылі сумясціць. Святлана Собаль — настаўніца са шматгадовым стажам і па сумяшчальніцтве клапатлівая бабуля, якая заўсёды знаходзіць час парадаваць дамашніх смачнымі і карыснымі стравамі.
ІНГРЭДЫЕНТЫ:
філе курынай грудкі — 2 шт.,
марынаваныя агуркі — 3 шт.,
карэйская морква — 200 г,
сыр цвёрды — 200 г,
часнок — 2 зубчыкі,
маянэз і зеляніна — на смак.
ПРЫГАТАВАННЕ
Курынае філе адварваем у падсоленай вадзе, затым наразаем саломкай або разбіраем рукамі на валокны. Агуркі таксама наразаем саломкай, сыр націраем на буйной тарцы.
Змешваем мяса, сыр, агуркі і моркву (можна выкласці іх слаямі), дадаём выціснуты праз прэс часнок, запраўляем маянэзам, упрыгожваем зелянінай.
Смачна есці!