Рэцэпт ад удзельніцы вакальнага гурта «Каханачка» Ліноўскага СДК Таццяны Зуй
Па гэтым рэцэпце выпякаю пірагі больш за 20 гадоў з макам, карыцай, арэхамі, тварагом — адным словам, з любымі начынкамі.
ІНГРЭДЫЕНТЫ:
цёплае малако — 350 г,
мука — 600-650 г,
цукар — 150 г,
соль — 2 г,
яйкі — 4 шт. (адзін жаўток аддзяліць для змазвання пірага),
маргарын — 150 г,
дрожджы жывыя — 50 г,
ванілін — 2 пакецікі.
ПРЫГАТАВАННЕ
У ёмістасць адліць 100-150 малака, дадаць 1 сталовую лыжку цукру і дрожджы. Пакінуць на некалькі мінут, каб дрожджы «запрацавалі».
У асобную міску ўліць астатняе малако, растоплены маргарын, дадаць соль, цукар, ванілін, узбітыя яйкі, дражджавую сумесь і муку. Замясіць цеста і добра, на працягу 5-10 мінут яго вымешваць. Пры жаданні можна дадаць у цеста разынкі (изюм) — 150 г.
Накрыць цеста сурвэткай або ручніком і паставіць у цёплае месца на 1 гадзіну. А потым ужо няхай працуе ваша фантазія: якую форму вы нададзіце свайму вырабу, якую начынку выбераце.
Смачна есці!