Рэцэпт ад начальніцы аддзела ЗАГС Наталлі Цібароўскай. 
ІНГРЭДЫЕНТЫ
курыныя грудкі — 1 шт.,
цыбуля — 1-2 шт.,
маянэз — 200 г,
кансерваваныя ананасы — 1 банка,
цвёрды сыр — 200 г,
соль і перац.
ПРЫГАТАВАННЕ
Курыныя грудкі нарэзаць на медальёны, злёгку адбіць і выкласці на змазаную алеем бляху. Пасаліць, паперчыць, зверху пакласці дробна нарэзаную цыбулю і кавалачкі ананасаў (замест ананасаў можна выкарыстоў-ваць кансерваваныя шампіньёны або свежыя памідоры). Паставіць у нагрэтую да 180-200 градусаў духавую шафу прыкладна на 20 мінут. Пасля дастаць медальёны, нанесці на кожны маянэзную сетку і пасыпаць цёртым сырам. Пакінуць у духоўцы яшчэ на 15 мінут.
Смачна есці!