Среда, 21 февраля 2024

Раённы камітэт «БРСМ» далучыўся да акцыі «У школу з добрым сэрцам». Падарункі атрымалі вучні раёна

959

Завяршылася дабрачынная акцыя БРСМ «У школу з добрым сэрцам». Далучыўся да яе і райкам маладзёжнай арганізацыі.

Вучням СШ №5 г. Пружаны падарункі ўручылі першы сакратар райкама ГА «БРСМ» А.М. Бабігорац, старшыня райкама прафсаюза работнікаў АПК Д.У. Чайкоўскі, намеснік дырэктара гімназіі па выхаваўчай рабоце В.К. Дземасюк.

Штогадовая акцыя мае на мэце дапамагчы ў падрыхтоўцы да школы тым сем’ям, якія маюць асаблівую патрэбу ў гэтым.

Па словах першага сакратара райкама ГА «БРСМ» А.М.Бабігорца, дапамога аказвалася дзецям са шматдзетных і няпоўных сем’яў. Усяго сёлета яе атрымала 12 школьнікаў. Сярод іх — вучні гімназіі, СШ №1 імя ЧБВА, СШ №4, СШ №5, а таксама раённага цэнтра карэкцыйна-развіваючага навучання і рэабілітацыі.

Аляксандр Мікалаевіч падкрэсліў, што ў зборы школьных прылад прынялі ўдзел вучні і адміністрацыя гімназіі.

Уладзіслаў Шпарла. Фота з Instagram-акаўнта СШ №5 г. Пружаны