11 лютага супрацоўнікамі міліцыі разам з работнікамі аддзела аховы быў затрыманы раней неаднаразова судзімы мужчына, які зараз адбывае пакаранне за раней учыненыя злачынствы ў папраўчай установе адкрытага тыпу ў в.Куплін.
Затрыманы абвінавачваецца адразу ў некалькіх злачынствах. Папярэдняй ноччу ён спачатку скарыстаўся тым, што ўладальнік мікрааўтобуса пакінуў свой транспарт незамкнёным на стаянцы па вул.Юбілейнай, а ў дадатак у замку запальвання яшчэ і ключы. На гэтым аўтамабілі зламыснік проста пакатаўся, але гэтага яму падалося недастатковым, і ён завітаў на стаянку па вул.Вашкевіча. Там ён выбіваў вокны ў дзверках аўто, правяраючы на наяўнасць ключоў запальвання ў замках машын: пацярпела яшчэ чатыры жыхары горада.
*фота носіць ілюстрацыйны характар.