Як паведаміў намеснік начальніка РАСК Д.М.Мацаюк, на мінулым тыдні супрацоўнікамі райаддзела было ўзбуджана 10 крымінальных спраў.
+ Даволі ўдалай палічыў сваю прапанову жыхар г.Брэста, калі папрасіў супрацоўніка ДАІ за пэўную суму «закрыць вочы» на парушэнне Правілаў дарожнага руху: мужчына быў затрыманы ў в.Жадзены за тое, што кіраваў службовым аўто ў стане алкагольнага ап’янення. Каб інспектар «прабачыў» такі выпадак, парушальнік прапанаваў яму 130 рублёў. Аб гэтым супрацоўнік інспекцыі паведаміў следчым органам, на падставе чаго ў дачыненні да мужчыны, які спрабаваў даць хабар, была ўзбуджана крымінальная справа па ч.1 арт.431 Крымінальнага кодэкса Рэспублікі Беларусь (да 5 гадоў пазбаўлення волі).
