Прэзідэнт Расіі Уладзімір Пуцін павіншаваў кіраўніка беларускай дзяржавы Аляксандра Лукашэнку з нагоды 30-годдзя знаходжання на пасадзе Прэзідэнта Рэспублікі Беларусь. Аб гэтым БЕЛТА паведамілі ў прэс-службе беларускага лідара.
«З Вашым імем непарыўна звязана ўся навейшая гісторыя Беларусі, азнаменаваная пабудовай сучасных дзяржаўных інстытутаў і значнымі поспехамі ў сацыяльнай і эканамічнай сферах. Беларускія выбаршчыкі шэсць разоў запар давяралі Вам вышэйшую дзяржаўную пасаду, што, несумненна, сведчыць аб Вашым вялікім аўтарытэце сярод суайчыннікаў, — гаворыцца ў віншаванні. — Цяжка пераацаніць Ваш асабісты ўклад у развіццё дружалюбных адносін і плённага супрацоўніцтва паміж нашымі краінамі, у станаўленне і ўмацаванне Саюзнай дзяржавы і пашырэнне ўзаемавыгадных інтэграцыйных працэсаў на еўразійскай прасторы».
Расійскі лідар падкрэсліў, што будзе рады прадаўжэнню канструктыўнага, таварыскага дыялогу і цеснай сумеснай работы на карысць братэрскіх народаў Беларусі і Расіі.
«Ад душы жадаю Вам моцнага здароўя, дабрабыту і поспехаў у дзяржаўнай дзейнасці», — выказаў пажаданні Уладзімір Пуцін.