Напэўна, ніхто не звязаны з Днём абаронцаў Айчыны так шчыльна, як ветэраны Вялікай Айчыннай вайны. Яны на практыцы даведаліся пра цяжар і страты ваеннай службы, зразумелі, як абараняць тое, што любіш.
23 лютага тэрытарыяльны цэнтр сацыяльнага абслугоўвання насельніцтва разам з валанцёрскім атрадам «Дабрыня», што дзейнічае ў каледжы пад кіраўніцтвам Алёны Гапоненка, наведалі герояў Вялікай Айчыннай вайны Герасіма Савельевіча Шмулянкова і Паўла Афанасьевіча Новікава.
Загадчыца аддзялення сацыяльнай дапамогі на даму Вольга Сахарук звярнулася да ветэранаў са шчырымі словамі віншаванняў, а таксама спытала сталых людзей, ці задавальняе іх праца сацработнікаў, на што атрымала станоўчы адказ.
Валанцёры павіншавалі паважаных ветэранаў з Днём абаронцаў Айчыны вершамі і песнямі. Таксама госці прынеслі невялікія падарункі, а ў адказ атрымалі цукеркі.
Юлія Янушка. Фота Кацярыны Масік