Падведзены вынікі работы жывёлаводаў рэспублікі за першае паўгоддзе 2018 года. Па вытворчасці малака (115174 тоны) наш раён упэўнена ўтрымлівае першае месца. Дастаткова сказаць, што ў Слуцкім раёне, які займае другую пазіцыю, за гэты перыяд атрымана 87918 тон малочнай прадукцыі. 
Па сярэднім надоі малака ад каровы (3102 кг) пружанскія жывёлаводы займаюць 14-е месца сярод 118 раёнаў краіны. Узначальвае спіс Гродзенскі раён (3950 кг), а замыкае Шумілінскі (1197 кг).
Па выніках работы за першае паўгоддзе 49 комплексаў рэспублікі па вырошчванні і адкорме свіней дасягнулі сярэднясутачных прываг больш за 600 грамаў. У ААТ «Жураўлінае» прывагі склалі 687 грамаў, што адпавядае 25 месцу.
Комплексаў па вырошчванні і адкорме буйной рагатай жывёлы з прадукцыйнасцю больш за 600 грамаў налічваецца ў краіне 54. На комплексе ААТ «Айчына» сярэднясутачныя прывагі склалі 646 грамаў і гэта толькі 46 вынік.
Мікола Архуцік.
