7-9 снежня ў Пружанах праходзіла адкрытае першынство Брэсцкай вобласці па фігурным катанні «Белавежская пушча — 2018».
Удзел у спаборніцтвах прыняло 135 юных спартсменаў. Пры вялікай канкурэнцыі пружанскія фігурысты амаль не пакінулі нікому шанцаў на перамогу.
У сваіх узроставых катэгорыях і намінацыях абсалютнымі лідарамі сталі: Мікалай Казлоў, Марыя Салдакаева, Надзея Новік, Анастасія Белавус, Павел Буявец, Юлія Покала, Мацвей Клімук і Аляксандра Велікаселец.
Срэбра заваявалі Злата Амельянюк і Ксенія Шчыпанава, а Сафія Здановіч атрымала бронзу. Усе спартсмены займаюцца пад кіраўніцтвам трэнера Вольгі Уважанай.
Кацярына Пашкевіч. Фота Андрэя Пашкевіча.