Выратавальнікі ўжо расказвалі пра праекты па размяшчэнні інфармацыі МНС на розных таварах народнага спажывання. Сацыяльная рэклама аб бяспецы з’яўлялася на ўпакоўках хлебабулачных вырабаў, рыбных кансервах, шакаладзе, малацэ і нават курыных яйках.
У рамках акцыі «Канікулы без дыму і агню!», якая ў гэтыя дні праходзіць ва ўсіх кутках рэспублікі, МНС заклікае звярнуць увагу на бяспеку дзяцей.
Ініцыятыву выратавальнікаў падтрымала кіраўніцтва Пружанскага малочнага камбіната, прапанаваўшы ў якасці своеасаблівай пляцоўкі для прапагандысцкай супрацьпажарнай агітацыі ўпакоўку мяккага тварагу.
70 000 адзінак гэтай прадукцыі цяпер пазначана сацыяльнай рэкламай МНС.
Руслан Басак
Фота Пружанскага РАНС