Ужо 19 студзеня ў Пінску стартуе абласны фестываль-кірмаш «Берасцейскія сані».
Праграма фестывалю па-сапраўднаму ўражвае, але з ёй мы пазнаёмім вас крыху пазней. Адметнасцю стануць (https://t.me/brestoik/7105) у тым ліку гандлёвыя рады на паўкіламетра і больш за тысячу пасадачных месцаў для гасцей.
Удзел у фестывалі-кірмашы прымуць буйныя прадпрыемствы-вытворцы, у тым ліку ААТ «Пружанскі малочны камбінат».
Таксама будуць прадстаўлены ААТ «Пінскі мясакамбінат», «Бярозаўскі мясакансервавы камбінат», «Кобрынскі масларобна-сыраробны завод», «Лунінецкі малочны завод», «Савушкін прадукт», «Ляхавіцкі кансервавы завод», ААТ «Белалка», «Птушкафабрыка «Дружба» .
Больш за 30 суб’ектаў гандлю і грамадскага харчавання будуць абслугоўваць гасцей фестывалю і яшчэ больш як 70 індывідуальных прадпрымальнікаў прапануюць свае тавары.
Прыязджайце на фестываль у Пінск!
Па інфармацыі Брэсцкага аблвыканкама