Другі этап рэпетыцыйнага тэсціравання пройдзе ў студзені-лютым на базе СШ №3 г. Пружаны.
У бліжэйшую нядзелю, 23 студзеня, ва ўстанове адукацыі пройдуць іспыты па беларускай і рускай мовах. Дарэчы, сёння завяршаецца рэгістрацыя на іх.
Праз тыдзень, 30 студзеня, выпускнікоў чакаюць на РТ па фізіцы, хіміі, грамадазнаўстве, сусветнай гісторыі найноўшага часу, замежных мовах.
У першую нядзелю лютага адбудуцца пробныя тэсты па матэматыцы, біялогіі, гісторыі Беларусі і геаграфіі.
Пачатак усіх тэстаў у 10.00 гадзін. Кошт праходжання тэсту па адным прадмеце застаўся нязменным і складае 8 рублёў 20 капеек. Аплаціць удзел у РТ можна толькі праз сістэму «Разлік».
Уладзіслаў Шпарла