Напэўна, гэта самая пяшчотная і разам з тым шануемая прафесія ў свеце. Яна спалучае ў сябе не толькі жаданне падарыць каханне і клопат дзіцяці, якое апынулася ў складанай жыццёвай сітуацыі, але і выхаваць яго сапраўдным Чалавекам, навучыць працаваць, паважаць тых, хто акружае, умець выказваць дабрыню і многаму іншаму.
Прыёмная сям’я, дзіцячы дом сямейнага тыпу — гэта формы прафесійнага клопату пра дзяцей-сірот і малых, якія засталіся без бацькоўскай апекі.
А для дзіцяці гэта магчымасць:
— рэалізаваць сваё права на выхаванне ў сям’і;
— падтрымліваць роднасныя сувязі і магчымасць расці разам з братамі і сёстрамі;
— жыць і выхоўвацца ў сваім горадзе, раёне;
— сацыялізавацца ў грамадстве;
— атрымаць своечасовую абарону сваіх правоў і законных інтарэсаў.
Прыёмныя бацькі, бацькі-выхавацелі — грамадзяне, прынятыя на работу ў аддзел па адукацыі для выканання абавязкаў па доглядзе, выхаванні ў сваіх сем’ях дзяцей, якія засталіся без бацькоўскай апекі, на аснове працоўнага дагавора і дагавора аб выхаванні і ўтрыманні дзіцяці.
Прыёмныя бацькі і бацькі-выхавацелі атрымліваюць заработную плату за працу па догляду дзяцей, прынятых у свае сем’і. У прыёмную сям’ю бярэцца да 4 –х дзяцей, у ДДСТ — ад 5 да 10 малых.
Як стаць прыёмным бацькам, бацькам-выхавацелем ДДСТ?
Па ўсіх пытаннях звяртайцеся:
— у аддзел па адукацыі Пружанскага райвыканкама па тэл.:
(8-01632) 3-06-29,
— у ДУА «Сацыяльна-педагагічны цэнтр Пружанскага раёна» па тэл.: (8-01632) 7-11-28.
Дапаможам дзецям займець сям’ю!
Аксана Кот,
супрацоўніца ДУА «Сацыяльна-педагагічны цэнтр
Пружанскага раёна»