Суббота, 13 апреля 2024

Пра бюджэт, даходы, расходы, фінансаванне і іншае расказалі ў Пружанскім райвыканкаме

166

Кансалідаваны бюджэт Пружаншчыны ўключае раённы і 12 бюджэтаў сельсаветаў. За першае паўгоддзе бягучага года паступіла 53,4 млн рублёў, або 48,3% гадавога плана, што на 22% больш, чым за аналагічны перыяд мінулага года. Пры гэтым уласныя даходы павялічыліся на 9,6 млн рублёў, або 26,1%, і цяпер складаюць 30,9 млн рублёў (57,9% ад агульнага аб’ёму бюджэту). У выніку бюджэт выкананы з прафіцытам у суме 1,6 млн рублёў.

Найболей стабільнай і важкай крыніцай даходаў нязменна з’яўляецца падаходны падатак з фізічных асоб — 46,8%, або 14,4 млн рублёў. Асноўныя сумы дадатковых паступленняў чакаюцца па падаходным падатку з фізічных асоб, падатку на нерухомасць, дывідэндах. У сваю чаргу, меншымі за запланаваны аб’ём паступяць падатак пры спрошчанай сістэме падаткаабкладання, адзіны падатак з індывідуальных прадпрымальнікаў, падатак на прыбытак, працэнты за карыстанне грашовымі сродкамі і шэраг іншых непадатковых прыбыткаў.

Ад арганізацый дзяржаўнага сектара эканомікі паступленні ўзраслі на 18,5%, недзяржаўнага — на 16,6%, ад індывідуальных прадпрымальнікаў — на 9,8 %. Фізічнымі асобамі выплачана ў бюджэт 0,9 млн рублёў, што на 14,4% больш, чым за паўгоддзе мінулага года. Усяго ў напаўненні бюджэту ўдзельнічаюць 31 507 плацельшчыкаў, у тым ліку юрыдычных асоб — 484, індывідуальных прадпрымальнікаў — 705. Выплаты ў бюджэт у цяперашнім годзе істотна выраслі ад ААТ «Пружанскі льнозавод» — на 69,8%, ААТ «Пружанскі завод радыёдэталяў» — практычна ўдвая.

У раёне праводзіцца сістэмная работа па забеспячэнні запазычанай устойлівасці бюджэту. Адсутнічае пратэрмінаваная запазычанасць арганізацый па крэдытах банкаў, выдадзеных пад гарантыі райвыканкама. Цалкам пагашаныя бюджэтныя займы.

Практычна ўсё сродкі, якія выдзяляюцца з бюджэту, накіраваны на забеспячэнне годнага ўзроўню жыцця жыхароў раёна.

На фінансаванне ўстаноў і мерапрыемстваў з раённага бюджэту выдаткавана 51,8 млн рублёў, што складае 46,7% ад гадавога плана. У параўнанні з мінулагоднім перыядам такія расходы павялічыліся на 10,1%, або на 4,7 млн рублёў. На фінансаванне першачарговых бюджэтных абавязкаў (зарплата з адлічэннямі, аплата лекавых сродкаў, прадуктаў харчавання, камунальных паслуг, трансферты насельніцтву) накіравана 80,3% агульнага аб’ёму расходаў з ростам 8,4% да I паўгоддзя 2022 года. У прыватнасці, на зарплату з адлічэннямі выдаткавана больш на 7,9%, на аплату лекавых сродкаў і вырабаў медыцынскага прызначэння — на 15,6%, прадуктаў харчавання — на 28,8%, камунальных паслуг — на 2,4%, бягучыя трансферты насельніцтву — на 13,9%.

На фінансаванне сацыяльнай сферы (ахова здароўя, фізічная культура, спорт і культура, адукацыя, сацыяльная палітыка) накіравана 37,9 млн рублёў, або 73,1% ад агульнага аб’ёму выдаткаў бюджэту. Прафінансаваны расходы на адукацыю з ростам на 6,1%, на ахову здароўя яны ўзраслі на 8,3%, фізічную культуру і спорт — на 19,0%, культуру — на 9,7%, сацыяльную палітыку — на 24,8%.

У цяперашнім годзе плануецца павелічэнне не толькі бягучых выдаткаў на ўтрыманне бюджэтных устаноў, але і капіталаўкладанняў у развіццё сацыяльнай сферы.

У прыватнасці, вядуцца работы па праектаванні і ўстаноўцы ў ЦРБ апарата камп’ютарнай тамаграфіі. Для стварэння камфортных умоў знаходжання дзяцей плануецца да канца года завяршыць рамонт двух спальных карпусоў у аздараўленчым лагеры «Дубок».

Ужо завершаны рамонт школ раёна да новага навучальнага года. Адноўлена фае СШ №1 імя ЧБВА, рэканструяваны будынак Магілявецкай СШ, адноўлена асфальтавае пакрыццё тэрыторыі Параслянскай СШ. У дадатак набываецца новае абсталяванне для школьных харчаблокаў і дзіцячых дашкольных устаноў.

Акрамя таго, сёлета плануецца ўвесці ў эксплуатацыю пасля капітальнага рамонту два жылыя дамы. Працягнецца праца па рамонце асфальтавага пакрыцця вуліц горада.

Наталія Красоўская, начальнік фінансавага аддзела райвыканкама