У лістападзе на базе СШ №3 г.Пружаны пройдзе першы этап рэпетыцыйнага тэсціравання.
Як і раней, пробныя іспыты будуць праводзіцца па нядзелях.
14 лістапада будучыя абітурыенты змогуць напісаць РТ па беларускай і рускай мовах.
Праз тыдзень, 21 лістапада, – па матэматыцы, біялогіі, грамадазнаўстве і геаграфіі.
28 лістапада чакаюць тых, хто хоча праверыць веды па замежных мовах, фізіцы, хіміі, сусветнай гісторыі і гісторыі Беларусі.
Для ўдзелу ў РТ трэба папярэдне зарэгістравацца на сайце рэспубліканскага інстытута кантролю ведаў reg.rikc.by. У якасці пункта здачы РТ неабходна выбраць СШ №3 г.Пружаны. Кошт здачы тэста па адным прадмеце цяпер складае 8 р. 20 кап.
У той жа час рэпетыцыйнае тэсціраванне можна прайсці і на базе ўсіх чатырох ВНУ вобласці, якія знаходзяцца ў Брэсце, Баранавічах і Пінску. Падрабязную інфармацыю можна знайсці на сайце канкрэтнай навучальнай установы.
Уладзіслаў Шпарла