Больш за два тыдні працягваўся традыцыйны турнір пад эгідай Пружан-скага РФСК «Мухавец», у якім змаглі прыняць удзел усе аматары баталій на клятчастых дошках, незалежна ад узросту і полу. Іх аказалася больш за дваццаць чалавек.
Нагадаем, што другі год запар турнір праводзіўся ў памяць Аляксандра Мікалаевіча Чавусава, жыхара Пружан, які шмат гадоў з‘яўляўся яго нязменным удзельнікам і арганізатарам. Гульні праходзілі на базе Цэнтра творчасці дзяцей і моладзі г. Пружаны.
Пераможцамі ў шахматных партыях сталі:
- Аляксандр Лапінкевіч (1 месца),
- Міхаіл Грыцэвіч (2 месца)
- Сяргей Кажамячанка (3 месца).
Сярод шашыстаў:
- лепшым гульцом стаў Віктар Бубенчык,
- на другім месцы — Анатоль Неміровіч,
- на трэцім — Міхаіл Цымбаліст.
За актыўны ўдзел у турніры таксама адзначаны самы ўзроставы ўдзельнік пенсіянер Уладзімір Чакашоў і самы юны — чацвёртакласнік Сямён Служанікін.
Усе пераможцы атрымаюць граматы раённага фізкультурна-спартыўнага клуба «Мухавец» і сертыфікаты на падпіску на газету «Раённыя будні» на розны тэрмін.
Вікторыя Шаманава, дырэктар РФСК «Мухавец»