Днямі былі падведзены вынікі раённага этапу агляду-конкурсу «Навагодні дызайн МНС», які праводзіўся ў рамках рэспубліканскай акцыі «Бяспечны Новы год».
Яго пераможцам і ўдзельнікам уручыў дыпломы і падарункі начальнік райаддзела па надзвычайных сітуацыях Рыгор Рашанок.
Першае месца ў намінацыі «Навагодні дызайн вокнаў» занялі СШ №1 імя ЧБВА, а таксама сем’і Міхаіла Грышкевіча і Ксеніі Скулкінай. Тры дыпломы ў розных намінацыях атрымалі выхаванцы ясляў-сада №4 г.Пружаны.
Пераможцы падрыхтавалі і падарункі ў адказ: напрыклад, садкоўцы падарылі райаддзелу Ёлачку бяспекі, якая будзе змешчана ў музеі гісторыі пажарнай службы Пружанскага раёна.