Четверг, 25 апреля 2024

Падведзены вынікі раённага этапу конкурсу на лепшы дзіцячы малюнак на экалагічную тэматыку

230

На пачатку сакавіка былі падведзены вынікі раённага этапу традыцыйнага конкурсу на лепшы дзіцячы малюнак на экалагічную тэматыку, які штогод праводзіцца пад эгідай Міністэрства прыродных рэсурсаў і аховы навакольнага асяроддзя Рэспублікі Беларусь. На раённым узроўні этап быў арганізаваны інспекцыяй прыродных рэсурсаў, а ўдзел у ім прынялі выхаванцы дашкольных устаноў і вучні агульнаадукацыйных школ. Вынікі падводзіліся па некалькіх узроставых катэгорыях.

Сярод удзельнікаў ва ўзросце ад 3 да 5 гадоў лепшай была прызнана работа «Сіняе неба, вясёлыя дзеці — добра жыць на зялёнай планеце», выкананая Васілісай Лазурэнка, выхаванкай дзіцячага садка № 1 г. Пружаны. Другое і трэцяе месца прысуджана малюнкам — «Абаронім планету» (Серафім Клюкач з д/с № 5 г. Пружаны) і «Зялёная будучыня планеты» (Дамір На-джафаў з д/с № 3 г. Пружаны).

Сярод вучняў пачатковых класаў ва ўзросце ад 6 да 10 гадоў першае месца падзялілі работы «Захавай свет, у якім жывеш», выкананая Варварай Нікіцік з гімназіі, і «Захаваем планету Зямля» пад аўтарствам Дар’і Раманоўскай з Мураўскай СШ. Другое і трэцяе месца ў малюнкаў «Чым чысцей свет, тым здаравейшыя мы» ад Ксеніі Назаравай з Параслянскай СШ і «Дзіўны свет прыроды» ад Дар’і Крыўко з Ружанскага шматпрофільнага цэнтра.

Творы, якія прызнаны лепшымі на раённым этапе, накіраваны на ўдзел на абласным узроўні.

Вольга Дрозд, начальнік інспекцыі