З 19 красавіка 2023 года дырэктарам ААТ «Пружанскі райаграсэрвіс» назначаны Антон Яўгенавіч Грышкевіч.
Нарадзіўся Антон Яўгенавіч 12 красавіка 1992 года ў в. Руднікі Пружанскага раёна. У 2018 годзе скончыў УА «Беларускі дзяржаўны аграрны тэхнічны ўніверсітэт» па спецыяльнасці «Энергетычнае забеспячэнне сельскай гаспадаркі (электраэнергетыка)». Другую вышэйшую адукацыю атрымаў у 2022 годзе, скончыўшы УА «Беларускі дзяржаўны эканамічны ўніверсітэт» – спецыяльнасць «Эканоміка і кіраванне на прадпрыемстве». Працоўная дзейнасць звязана з сельгаставарыствамі раёна – ААТ «Жураўлінае» і «Шані-аграпрадукт». Апошняе месца працы перад назначэннем – ААТ «Пружанскі райаграсэрвіс», дзе займаў пасаду намесніка дырэктара па вытворчасці і ідэалагічнай рабоце.
Фота Кацярыны Масік