Сярод тых, хто быў адзначаны на абласным узроўні, ёсць прадстаўнікі Пружанскага раёна.
Грамату абласнога выканаўчага камітэта ўручылі намесніку галоўнага ўрача Пружанскай ЦРБ па медэкспертызе і рэабілітацыі Міхаілу Занькаўцу. Ва ўрачыстым мерапрыемстве прыняла ўдзел першы намеснік міністра аховы здароўя Рэспублікі Беларусь Алена Краткова.
А ўрач аддзялення хуткай меддапамогі Ніна Крац удастоена высокай прафсаюзнай узнагароды. На ўрачыстым мерапрыемстве ў Брэсце ёй быў уручаны нагрудны знак «За працу ў імя жыцця» Беларускага прафсаюза работнікаў аховы здароўя.
Адзначым, што нагрудны знак быў заснаваны летась. Яго ўручаюць медыкам, якія захоўваюць вернасць прафесіі і прытрымліваюцца высокага звання работніка аховы здароўя, самааддана працуюць і прыкладаюць усе намаганні для перамогі ў барацьбе за здароўе і жыццё пацыентаў, у тым ліку з COVID-19.
Уладзіслаў Шпарла. Фота Вольгі Вадзяновіч і прадастаўлена медыцынскімі работнікамі
Віншуем з узнагародай!
Пружанскі раённы выканаўчы камітэт вырашыў узнагародзіць Граматай райвыканкама:
за добрасумленную працу ў сістэме аховы здароўя, высокі прафесіяналізм, асабісты ўклад у аказанне медыцынскай дапамогі насельніцтву Пружанскага раёна і ў сувязі з прафесійным святам — Днём медыцынскага работніка:
ВАЛКАВЫЦКУЮ Тамару Мікалаеўну, загадчыцу Слабадскога ФАПа УАЗ «Пружанская ЦРБ»,
КАСАК Інэсу Тойваўну, урача-кардыёлага УАЗ «Пружанская ЦРБ»,
Крачко Паўла Пятровіча, урача-стаматолага-тэрапеўта (загадчыка) стаматалагічнага аддзялення УАЗ «Пружанская ЦРБ»,
СЕВАСЦЬЯНЧУК Ганну Анатольеўну, урача-акушэра-гінеколага УАЗ «Пружанская ЦРБ»,
ХАМЕТА Ірыну Сяргееўну, медыцынскую сястру-дыетолага УАЗ «Пружанская ЦРБ»;
за шматгадовую добрасумленную працу ў санітарна-эпідэміялагічнай службе Пружанскага раёна, высокі прафесіяналізм і ў сувязі з прафесійным святам — Днём медыцынскага работніка:
ЧАРНАГАЛАВУ Наталлю Яўгенаўну, фельчара-лабаранта мікрабіялагічнай лабараторыі лабараторнага аддзела ДУ «Пружанскі РЦГіЭ».
Прэзідыум Пружанскага раённага Савета дэпутатаў вырашыў узнагародзіць Ганаровай граматай Пружанскага раённага Савета дэпутатаў:
за плённую шматгадовую працу ў сістэме аховы здароўя і ў сувязі з прафесійным святам — Днём медыцынскага работніка
ТАРАСЕВІЧ Веру Сяргееўну, памочніка ўрача-эпідэміёлага ДУ «Пружанскі РЦГіЭ»;
за дасягнутыя поспехі ў справе паляпшэння і ўдасканалення аказання медыцынскай дапамогі насельніцтву раёна і ў сувязі з прафесійным святам — Днём медыцынскага работніка:
АРХУЦІКА Паўла Анатолье-віча, урача-анестэзіёлага-рэаніматолага аддзялення анестэзіялогіі і рэаніматалогіі УАЗ «Пружанская ЦРБ»,
КОЗЕЛ Святлану Уладзіміраўну, акушэрку акушэрскага аддзялення УАЗ «Пружанская ЦРБ»,
КАНАВАЛІК Ірыну Раманаўну, медыцынскую сястру па фізіятэрапіі Ружанскай гарадской бальніцы УАЗ «Пружанская ЦРБ».