Удзел у турніры прынялі восем каманд, сярод якіх была і дружына Пружанскай паляўнічай гаспадаркі ў складзе Дзмітрыя Пракопчыка, Віктара Рачко, Уладзіміра Саскевіча і Леаніда Гузарэвіча.
Паляўнічыя калектывы спаборнічалі ў трох відах праграмы: стэндавая стральба па казулях, стральба па талерачках і стэндавая стральба з лука.
Па выніках усіх выпрабаванняў каманда Пружанскага раёна заняла ганаровае трэцяе месца, уступіўшы толькі двум калектывам з Брэста. Дзякуючы гэтаму выніку нашыя паляўнічыя атрымалі ад арганізатараў дыпломы і кубак.
— Хацелася б сказаць вялікі дзякуй арганізатарам турніру, усё прай-шло на высокім узроўні. Мы выдатна правялі час у добрай кампаніі і былі вельмі рады, што вярнуліся дадому яшчэ і з прызамі, — адзначыў вядучы паляўніцтвазнаўца Пружанскай паляўнічай гаспадаркі Дзмітрый Пракопчык.
Мы ж у сваю чаргу віншуем нашу каманду з гэтым поспехам і жадаем, каб кожны стрэл быў дакладным, а трафеі — дастойныя!
Руслан Басак